“व्हॉईस ऑफ मीडियाच्या वतीने वाळूज महानगरातील पत्रकारांना दहा लाखाचा विमा वितरण”

वाळूज महानगर / प्रतिनिधी (26) – व्हॉईस ऑफ मीडिया” संस्थेने वाळूज महानगरातील पत्रकारांसाठी एक महत्वाची पाऊल उचलले आहे. संस्थेच्या वतीने, पत्रकारांच्या सामाजिक आणि आर्थिक सुरक्षिततेसाठी, एक विशेष उपक्रम राबविण्यात आला आहे. ह्या उपक्रमांतर्गत, पत्रकारांना दहा लाखाचा विमा कव्हर प्रदान केला जाणार आहे. हा विमा वितरणाचा प्रोग्राम खासकरून त्यांना साथ देण्यासाठी व त्यांच्या कार्याची सुरक्षा प्रदान करण्यासाठी आखण्यात आला आहे.

समाजातील घटनांची, बातम्यांची आणि महत्वाच्या मुद्द्यांची सत्यनिष्ठा आणि निष्पक्षपणे रिपोर्टिंग करणाऱ्या पत्रकारांच्या कार्याला योग्य तो सन्मान व पाठिंबा मिळावा ह्यासाठी “व्हॉईस ऑफ मीडिया” संस्था प्रयत्नशील आहे. ह्या विमा सुरक्षिततेमुळे पत्रकार ह्यांच्या वृत्तीच्या कार्यात अजूनच स्वतंत्रपणे आणि निर्भीडपणे काम करू शकतील आणि समाजाच्या प्रगतीसाठी त्यांचे योगदान अजूनच वाढेल.

या विमा योजनेचा प्रसार वाळूज महानगरातील सर्व पत्रकारांमध्ये केला जाईल, आणि त्यांना ह्या बाबतीतील मदत व सेवा प्रदान करण्यासाठी योग्य अधिकाऱ्यांची नियुक्ती केली जाईल. ह्या अभिनव कदमामुळे पत्रकार बांधवांना होणाऱ्या आर्थिक अडचणींविरुद्ध संरक्षण मिळेल आणि ते आपले काम अधिक दृढ निश्चयी साथीत करू शकतील. हा एक स्तुत्य पाऊल समजला जाईल आणि इतर संस्था देखील आपल्या सदस्यांसाठी अशीच पावले उचलतील अशी आशा आहे.**

देश आणि विदेशामध्ये जवळपास 54 देशात कार्यरत असलेली पत्रकारांची सघटना व्हॉईस ऑफ मीडिया, लढा पत्रकारांचा पत्रकारांच्या हक्कासाठी… या ब्रीद वाक्याला समोर घेत तसेच पंचसूत्री ध्येय घेऊन संस्थापक अध्यक्ष संदीपजी काळे यांच्या मार्गदर्शनाखाली व्हॉईस ऑफ मीडिया या संघटनेच्या वाळूज महानगरातील पत्रकारांना दहा लाखाचा विमा वितरण संघटनेच्या वतीने रविवार( दि.24) रोजी हॉटेल ड्रीम लाईनच्या सभागृहात करण्यात आले. या कार्यक्रमाला जिल्हाध्यक्ष सतीश रेंगे पाटील, जिल्हा महासचिव अमित फुटाणे, संपादक तथा सामाजिक कार्यकर्ते शिवाजी बनकर, शहराध्यक्ष रवी माताडे, जिल्हा कोषाध्यक्ष संदीप चिखले, जिल्हा उपाध्यक्ष महेश डागा, राजेभाऊ मोगल, वाळूजमहानगर अध्यक्ष किशोर बोचरे, ज्येष्ठ पत्रकार शेख मेहमूद, आर के भराड, संतोष बारगळ, प्रकाश गाडे आदींची प्रमुख उपस्थिती होती. या कार्यक्रमाचे सूत्रसंचालन संजय काळे यानी तर कार्यक्रमाचे प्रास्ताविक शिवाजी बोडखे यांनी केले. यावेळी जिल्हाध्यक्ष सतीश रेंगे पाटील, अमित फुटाणे, रवी माताडे, आदींनी व्हॉईस ऑफ मीडिया या देशव्यापी संघटनेचे ध्येयधोरण, लढा पत्रकारांचा पत्रकारांचे हक्कासाठी, आरोग्य,औद्योगिक, आदी क्षेत्रामध्ये व्हॉईस ऑफ मीडियाचे सुरू असलेल्या कामाबद्दल प्रकाश टाकला. या प्रसंगी व्हॉईस ऑफ मीडिया वाळुज शाखेचे संतोष बारगळ आर के भराड, संदीप चिखले, रवी गाडेकर, आदींनी मनोगत व्यक्त केले. या कार्यक्रमात आर के भराड, शेख मेहमूद, संतोष बारगळ,संदीप लोखंडे, संजय काळे, अशोक साठे,निलेश भारती, राहुल मुळे, रवी गाडेकर, अनिकेत घोडके, शिवाजी गायकवाड, हुरखान पठाण, विठ्ठल मस्के, रवी कुलकर्णी, रमेश हातोळे, भरत गायकवाड, आदींचा दहा लाखाच्या विमाचे वितरण करण्यात आले. संघटनेचे कार्य पाहून प्रेरीत झालेले पत्रकार माधव घोरबांड, संतोष बोटवे, राजू जंगले, डीपी वाघ, भरत थटवले, संदीप साळे, यानी व्हॉईस ऑफ मिडीया संघटनेचे सदस्यत्व स्वीकारले. राष्ट्रीय गीताने कार्यक्रमाचा समारोप करण्यात आला तर आभार वाळूजमहानगर अध्यक्ष किशोर बोचरे यांनी मानले.