श्री काळभैरवनाथ जोगेश्वरी देवीला आज रात्री लागणार तेल व हळद.
प्रतिनिधी| परांडा श्री क्षेत्र सोनारी येथील श्री काळभैरवनाथ जोगेश्वरी देवीला मंगळवारी सोहळा रात्री 9:00 वाजता तेल व हळद लावण्यात येणार असून चैत्र वैद्य अष्टमी एक मे रोजी रात्री बारा वाजता विवाह सोहळा तर सहा मे रोजी मुख्य रथोत्सव आयोजित करण्यात आला आहे.
भैरवनाथास गरम पाण्याने स्नान घालून नवीन वस्त्र परिधान केले जातात कुंकवाचे मळवट भरले जाते तेल व हळद लावणे हा पारंपारिक धार्मिक विधी कार्यक्रमास मानकरी ग्रामस्थ भाविक मोठ्या संख्येने उपस्थित असतात. या दिवशीपासून श्री भैरवनाथ हे नवरदेव होतात म्हणून देवास वसंत पंचमी पर्यंत चंदनाचा मळवटा ऐवजी कुंकवाचे मळवट भरला जातो या दिवशीपासून रथोत्सव मिरवणूक होईपर्यंत परिसरात शेतातील मशागत काम दळण वळणे अशी काम परंपरेनुसार बंद ठेवले जातात.
चैत्र शुद्ध अष्टमी मंगळवारी रात्री नऊ वाजता भैरवनाथ जोगेश्वरीला तेल व हळद लावण्यात येते व भैरवनाथ जोगेश्वरी हळदीचा पोशाख चढवून महानैवद्य व आरती करून संजय महाराज पुजारी यांच्या हस्ते मानकरी यांना व भाविकांना नेवर्गीचा प्रसाद वाटप करण्यात येतो देवाच्या हळदीनंतर भैरवनाथ जोगेश्वरी ची वसंत पूजेपर्यंत चंदनाची पूजा बंद असते दररोज मळवट व मुंडावळ्या बांधल्या जातात.
Discover more from माझं गांव माझं शहर (बातमीपत्र)
Subscribe to get the latest posts sent to your email.