परंडा (माझं गांव माझं शहर ) वर्दी घातली म्हणजे पोलिसातील माणुसकी मरते असा सर्वांचा समज असतो. पण कितीही काही झाले तरी तोही एक माणूसच असतो. अनेक ठिकाणी कर्तव्याबरोबर माणुसकी देखील जपावी लागते. पोलिस अधिकारी म्हणून कर्तव्य बजावतानाच त्या दिवशी माणूस म्हणून विद्युत छत्री घेऊन चालणाऱ्या मुलांच्या पायात चप्पल नसल्याने मुलांच्या मदतीला धावले, परंडा पोलिस ठाण्याचे निरीक्षक विनोद इज्जापवार त्यांचा ‘तो’ व्हिडिओ सोशल मीडियावर मोठ्या प्रमाणात व्हायरल होत आहे
सुफी संत खाँजा बद्रोद्दीन चिश्ती शहीद रहेतुल्लाह उर्सानिमित्त गुरुवारी निघालेल्या संदल मिरवणुकीत गर्दी उसळली होती. संदल मिरवणुकीत यावर्षी मुख्य आकर्षण होते विद्युत छत्री. बंदोबस्त करण्याचे काम परंडा ठाण्याचे निरीक्षक विनोद इज्जापवार आणि पोलिस कर्मचारी नितीन गुडाळ करीत होते. मिरवणुकीत विद्युत छत्री घेऊन एक मुलगा चालत होता. परंतु त्यांच्या पायात चप्पल नव्हती त्यामुळे रस्त्यावर चालताना अडथळा निर्माण होत होता. हि बाब लक्षात येता त्या मुलासाठी पोलिस निरीक्षक विनोद इज्जापवार यांनी नवीन चप्पल आणून घालायला लावली.तो चप्पल घाले पर्यंत स्वतः इज्जापवार यांनी विद्युत छत्री घेऊन उभे होते. त्यांचा व्हिडिओ मोठ्या प्रमाणात व्हायरल होत असून वर्दीतील माणूसकी म्हणून लोक पोलिस निरीक्षक इज्जापवार व पोलीस कर्मचाऱ्यांचे कौतुक करत आहेत.


Discover more from माझं गांव माझं शहर (बातमीपत्र)

Subscribe to get the latest posts sent to your email.

By माझं गांव माझं शहर(बातमीपत्र)

ग्रामीण शहरी भागातील नागरिकांचे जनजीवन व्यथा बातम्या राजकारणातील घडामोडी प्रसिद्ध करण्यासाठी माझ गाव माझे शहर या पेपरची स्थापना करण्यात आली

Leave a Reply

error: Only Reporters Login

Discover more from माझं गांव माझं शहर (बातमीपत्र)

Subscribe now to keep reading and get access to the full archive.

Continue reading