रोहकल येथे लकी ड्रॉ पद्धतीने शेतकऱ्यांना बियाणे वाटप

अनाळा दि. १४ -परंडा तालुक्यातील रोहकल येथे खरिप हंगाम पूर्व शेतकरी कार्यक्रम दि १४ रोजी घेण्यात आला . यावेळी तालुका कृषी अधिकारी नानासाहेब लांडगे व मंडळ कृषी अधिकारी मनोज पाटील यांच्या मार्गदर्शनाखाली रोहकल चे कृषी सहायक सुहास गुंड यांनी खरिप हंगाम पुर्व मार्गदर्शन केले.
खरीप हंगामातील तुर बियाणे वाटप करण्यासाठी कृषी विभागाच्या वतीने रोहकल येथील शेतकऱ्यांचे अर्ज, नाव घेऊन तुर पिकासाठी लकी ड्रॉ काढण्यात आले व निवड झालेल्या शेतकऱ्यांना बीयाण्याचे वाटप व इतर निविष्ठा वाटप करण्यात आले. यावेळी गावचे कृषी सहाय्यक सुहास गुंड यांनी बीज प्रक्रिया करूनच पेरणी करावी तसेच बीबीएफ तंत्रज्ञान अवलंबून पेरणी करावी या विषयी शेतकऱ्यांना माहिती देण्यात आली.
यावेळी गावातील सरपंच हनुमंत कोलते , ग्रामपंचायत सदस्य, जेष्ठ शेतकरी मंडळी, व गावातील सर्व शेतकरी कार्यक्रमास उपस्थित होते.

रोहकल ता.परडा येथे खरिप हंगाम पूर्व कार्यक्रमात शेतकऱ्यांना मार्गदर्शन करताना कृषी सहाय्यक सुहास गुंड व शेतकरी .