साकत (खु) जि.प शाळेचे वार्षिक स्नेह संमेलन उत्साहात संपन्न .

अनाळा ,(माझं गांव माझं शहर) दि ०७ – परंडा तालुक्यातील साकत [ खु ] येथील जि.प.शाळेत वार्षिक स्नेहसंमलन उत्साहात संपन्न झाले . दि .०६ रोजी या कार्यक्रमाचे उद्घाटन सरपंच विनायक देवकर , उपसरपंच चांगदेव हुके , शालेय समिती चे अध्यक्ष सुधीर कल्याणकर , उपाध्यक्ष संभाजी शिंदे आदी मान्यवरांच्या हस्ते सावित्रीबाई फुले व छत्रपती शिवाजी महाराज यांच्या प्रतिमेचे पुजन करून करण्यात आले . या कार्यक्रमात लावणी , लोकगीते , कोळीगीते , हिंदी -मराठी चित्रपटातील गीते , कोळीगीते , विनोदी उखाणे , विनोदी नाटीका सादर करून शालेय विद्यार्थी विद्यार्थिनी ने प्रेक्षकांची मने जिकली . हा कार्यक्रम जवळपास तीन तास सुरु होता . कार्यक्रमास परिसरातील साकत [बु ], पिस्तमवाडी , रोहकल आदी गावातील महिला – पुरुषांनी मोठी गर्दी केली होती . या जोरदार गितांच्या कार्यक्रमात बक्षीसांचा ही मोठा वर्षाव झाला . वार्षिक स्नेह संमेलनात जवळपास साठ हजार रुपये बक्षीस प्रेक्षकांनी शाळेला लोकवाटा स्वरूपात दिला . कार्यक्रमास केंद्रप्रमुख संजीव मुसळे , माजी सरपंच अंकुश देवकर , माजी उपसरपंच राम यादव , प्रकाश गायकवाड , फिरोज शेख , ज्ञानेश्वर हुके , ग्रा.प सदस्य शाहू लोंढे , गोकुळ गायकवाड आदिची प्रमुख उपस्थिती होती . विदयार्थी – विद्यार्थानीची उत्कृष्ठ व आकर्षक वेषभुषा करण्यासाठी मुख्यमंत्री युवा प्रशिक्षणार्थी रेश्मा काझी यांनी अथक परिश्रम घेतले . कार्यक्रमाचे प्रास्ताविक मुख्याध्यापक शिवाजी वाघमारे यांनी केले तर उत्कृष्ठ दिग्दर्शन अण्णासाहेब साळूंखे यांनी केले.