परंडा तालुक्यातील शिधापत्रिकेतील सर्व सदस्यांची ई-केवायसी करावी- तहसिलदार निलेश काकडे

जेकटेवाडी प्रतिनिधी: परंडा तालुक्यातील शिधापत्रिकेतील सर्व सदस्यांची ई-केवायसी करावी असे आवाहन तहसिलदार निलेश काकडे यांनी केले आहे.सार्वजनिक वितरण व्यवस्थेतील सर्व पात्र लाभार्थ्याना जाहीर आवाहन करण्यात येते की, राष्ट्रीय अन्नसुरक्षा योजनेअंतर्गत् अंत्योदय अन्न योजना व प्राधान्य कुटुंब लाभार्थी योजना अंतर्गत शिधापत्रिका धारकांना शासकीय अनुदानीत अन्न धान्याचा लाभ सुरू ठेवण्यासाठी कुटुंबातील रेशनकार्ड मध्ये नोंदणी केलेल्या सर्व सदस्यांचे ई-केवायसी मुदतीत पूर्ण करणे बंधनकारक आहे. ज्या सदस्यांचे ई-केवायसी पूर्ण होणार नाही त्यांचा अन्नधान्याचा लाभ बंद होणार आहे, असे निर्देश अन्न नागरी पुरवठा व ग्राहक संरक्षण विभाग मार्फत देण्यात आले आहेत.
तरी परांडा तालुक्यातील शिधापत्रिकेतील सर्व सदस्यांची ई-केवायसी करणेसाठी दिनांक 08/02/2025 ते 15/02/2025 या कालावधीमध्ये गावातील रास्तभाव धान्य दुकान ठिकाणी रेशन दुकानदार यांचे मार्फत ई-केवायसी करणे करीता कॅम्प चे आयोजन करण्यात येणार आहे. तरी परांडा तालुक्यातील सर्व शिधापत्रिकाधारकांनी रेशनकार्ड मधील सर्व सदस्यांची ई-केवायसी करून घ्यावी. जेणेकरून आपल्याला मिळणा-या अन्नधान्याचा लाभ बंद होणार नाही, असे आवाहन निलेश काकडे तहसिलदार परंडा यांच्याकडून करण्यात येत आहे.